短期轉勢不代表科技公司失去投資價值

近一兩個星期，技術走勢話比我地聽世界股市很有可能進入調整消化期。 係唔係要股災啦？係唔係見頂了？跌市主要原因，由始至終都係升得急升得多，需要消化。 美股我係唔擔心嘅，但係港股就差啲。我唔明點解一啲投資專欄作者可以對中港咁樂觀，又話美股牛市已老嘅睇法等等。 論市場深度同多元，港股同美股比，根本唔係同一個tier。係，好似Apple 拆細都可以傻炒一餐，係市場過熱，但最起碼唔少美國好公司都係起飛階段，例如Fastly SQ 等等，向上空間遠比向下空間大吧。 期待電池日，世界需要革新，而唔係成日炒炒貢，口號思維loop 完又loop。我討厭盲信同口號。 *最近一兩個星期，動作係用SE 換回了Tesla，很可能係一個stupid move，尤其大市調整當中。

今年好有可能已經開完Party

雖然係咁講，但係意思唔代表一定要大跌，走勢上係絕對可以上上落落橫行，消化兩三個月後先有機會再突破。 由三月至四月開始，強牛走勢都半年有多，而今次好多增長股絕對係升有突。除非個別公司業務再有突破，否則現價都反映咗唔少利好因素了。 所以到年尾，唔需要進取，估計年回報於八月尾左近已經定咗型，唔會偏離太多。 持有：SQ, FSLY, SE (no cash) profit in 2020: 41.52%

泡沫小型爆破

之前提過一啲股王升得太快太急，基本上係畫圖六十幾度上升，即使唔係見頂，但係亦象徵投資者情緒過份樂觀，需要冷卻落嚟。 經過九月數日急調整，係沿崖式製造尖頂急插，正係小型泡沫爆破。但究竟跌完未，最終都係睇估值同基本因素，再用圖表引證睇法。 例如蘋果、Tesla，現價仲喺比拆細前高，而蘋果增長係唔太支持到而家嘅溢價，相信佢哋即使唔大跌，都要震蘯整固消化高估值。 又睇吓Zoom，業績後裂口大抽40%，但係市場有冇考慮過佢下年增長有機會大幅放緩？480多元係超級樂觀，等待回補裂口消化超買，股值會合理一啲。 嚟幾日係買買賣賣集中持股，由山頂位計，回報都跌咗十零巴仙了。

沽出Tesla，先做好防守

始終短缐升得太急，既然有厚利在手，先留返5%持股，再分配在SQ、Fastly、SE 同Meli 身上。 個股太熱，例如Appl、TSLA、ZM、CRWD，係需要提防一下，須則我都多是多做多錯，賺少好多 XD

八月結 - 決策錯誤拖低回報

回顧八月，因為有數間SAAS 公司開始公布業績，而當時市場反應係先抽高再於業績日散貨，例如DDOG、Fastly 都係大雙位數，失去了對ZM 嘅信心，過早沽出。之後故事係點，也不多講了。 來到今年市場高位，好多增長強股已經升了不少，自己也怕於高位過於進取，所以交易也很頻繁。但買賣得多也不代表收穫更好，好多時係錯過了黃金升幅，拖低回報，例子是$520左右買Tesla，怕高於$1000左右賣出，之後又於$1400 左右補回，利潤就差很多了。 今天巳接近第四季度，由於有唔少好嘢已經井噴完又井噴，說實話不建議沒頭沒腦高追。現價來說，SQ、FSLY、SE仍然值得看好，Meli 會慢一點，但也不會死人。Tesla、ZM 就要小心些，我自己就會當佢哋今年已經到價，無謂現價再博。 Update of my holdings and Profit (as of today) MELI - ~8.12% SE - ~12.72% SHOP - ~12.90% TSLA - ~21.02% SQ - ~23.81% FSLY - ~21.42% Profit in 2020 (up to 2020.09.03) +57.26%