2021年4月1日 星期四

Hyper Growth 公司以時間消化估值;「價值」科網巨鯨侍機突圍

Hyper Growth 公司經歷左個半月嘅血洗,臨近月尾季結,終於迎來了久違了的反彈。

究竟調整浪完結咗未?喺好多投資者心中嘅疑惑。股市永遠係懷疑中不斷上升,又會係大家滿懷信心時不斷下跌,直至你棄械投降為止。

其實CRWD、DDOG、NETS、SHOP、MELI 等等超升股增長都非常高速,今日嘅問題只有一個,就係上年全世界都買盡佢哋,所以升突,順帶估值都上到比天高。

經過個半月調整,部份超升股嘅估值已經變得比較合理,不過依然偏貴。考慮到唔少嘅明星股revenue增長動不動都50-70%以上,即使以現價來衡量,假設價格不變,半年後增長追上來,價值會變得合理。所以而家可以話係50/50,你話債息上升繼續調整又得,話現價已反映負面因素又得,係一個唔太適合做大扛桿嘅環境。

由於自己已脫離打工行列,是欠缺正現金流的作戰處境,所以策略上唔能夠太進取。暫時做法主要將錢泊係GOOG、FB、PYPL、TSM同V。悶係悶啲,不過留意到GOOG、FB 估值其實唔貴,增長亦強,FB 更靜靜待破新高,而攻擊手就由PYPL 去做吧。今年自己嘅投報目標,已經調整到好保守了。

假如四月再跌,我會好高興,CRWD、DDOG、NETS、SHOP等等就係撈底目標!

而家都係打好防守先啦。

---

profolio: GOOG FB TSM PYPL V 700;cash 42%

2021年回報 -3.42%


2021年2月27日 星期六

大市進入冷靜期

似樣嘅調整終於出現,要time 個大市始終好難,調整比預期遲了兩個多月。即使2021年開始已經大幅提升現金水平,由於一二月無買到hot sectors,對回報率影響也很大。

接著三月,應該係大市調整或者冷靜期,唔使太aggressive。要小心ARK股。

---
holdings:
TSM, GOOG, PYPL, PINS, 700
cash: 48%
2021年回報:+1.36%

2021年1月30日 星期六

上月尾至今月中市場現狂態 ,投資態度宜審慎

講真個市係升左好耐,升幅又唔細,本身預上年十二月會抖下,點知越升越有,最近更加話散戶鬥大戶,D淡股比人夾到飛天。 細心留意一下,近排有唔少股係偷偷地調整了不少,更加唔似搵到支持。上年咁牛係abnormal case,如果而家要出現一個似樣既調整,我覺得係唔過份既。 暫時態度會以守為攻,多啲現金。睇錯再補返都唔會太遲,最怕贏到失心瘋,之後不斷出沖就無癮了。 大股業績幾好,TSM基本面也不錯,會保留一定貨底;至於CRWD、NET、TSLA 會睇睇有無機會買平啲。 2021年回報:+1.28% holdings: TSM, QQQ, CRWD, NET, TSLA cash: ~70%

2021年1月1日 星期五

迎接2021新挑戰

2020年回報72%,係咁牛既市況下算是可以吧。好多BLOGGERS 同KOL都有超額回報,自己回報亦大幅跑輸單買一隻ARKK/ARKW/ARKG/AAPL/TSM等等,證明仲有好多進步空間。 以純買正股來說,要取得一級回報 (100%-200%以上),關鍵係三四月市場最恐慌時,已經選中最強版塊,沒有出出入入,食中半年左右既大浪,收鑊已經可以好可觀。 美國强股太多,但要揸得緊就係藝術所在,因為唔少强股波動都好利害。至於係咪波動大既强股就係好選擇?咁又唔一定,例如TSM,簡簡單單一年就九成回報。係美股市場,真係有排學。 十二月美股遠比自己預期熾熱,而小弟係一個Telegram美股群組內,見到唔少新手加入,仲要個個用期權加大扛桿!最佳例子,是主持人用1%資金追買FUBO,就個個興奮跟機。如此情況,一定係過熱,反而要小心。 新一年,自己是脫離了舒適圈,走出打工仔行列,甚至要往外發展。無論投資與人生,都是一個新階段、大挑戰。 來年目標,係CASH LEVEL有至少四成既情況下,取得20%以上回報,還要組合波動性都要降低。 祝大家迎難而上,更進一步。 持倉 CRWD NET MELI PINS SNOW TSM TSLA FVRR + cash 41%

2020年11月30日 星期一

大市遠比預期牛 增持現金保勝果

大選過後,乜都升,人人有份,永不落空。 今天幾buy 英sir 最近blog嘅comment ,大牛市,人人係股神,但如何係逆轉市況保持勝果,先係專業投資者最考功夫嘅地方。 而家持倉攻擊力充足,也因應市況,買得較多台積電,叫少了點SAAS 股。 下一步會再增持AWK,再減少攻擊型股票比重。去到2021年,希望可以長期保持六成股票,四成現金嘅比重來作戰,而年回報可以達兩成以上。 投資生涯十四年,人生階段不同了,是時候再進化。 Holdings: FVRR NET PINS MELI TSM TSLA cash ~ 33% 年回報 +66.77%

2020年11月12日 星期四

圍爐效應 股市波動更大更頻繁

互聯網資訊發達,財經KOL、Bloggers 嘅興起,又多咗好多WhatsApp Telegram 嘅圍爐groups,好多時有好嘅公司或者投資機會,以現今互聯網嘅速度,好多時市場已經冇咩祕密,好嘅viewpoints 同新聞,全世界係短時間內就可以傳遍每一個角落,比起十年前,而家嘅市場步速係極快。而由於好嘅資產同公司,相對於市場游資,供應係好少,求過於供,加上巿場步速,及衍生工具嘅放大效果,好多時盤路會非常傾側,有咩風吹草動或突發新聞,拆倉呀止蝕盤呀蜂湧而來,股票波動就好大。 要投資回報好,就要克服新常態。不過都唔係講咁易,好似疫苗消息果兩晚,FVRR 可以由191 跌到去129,其實係好恐怖,感覺係走也不是,hold 也不是。希望之後可以搵到適當方法,去克服波幅。 之前嘅trading record 會記於留言版,往後做法都會一樣。 Holdings: FVRR, NET, SHOP, MELI, TSLA, ABT cash 13% 年回報 +51.54%

2020年10月30日 星期五

十月結:升太多需要時間消化

十月美國增長股嘅走勢並不令人意外。 要知道pandemic 之下,不少公司嘅業務同股價係爆炸性增長,而且有唔少股票到九月尾十月,升幅係overshoot。即使基本面強勁,升突嘅係需要時間消化,無咩大不了。 業績期開始,唔少公司增長強勁,例如SHOP、FVRR、TDOC。美國增長sector係波動,但長缐揀啱好股只會不斷破頂。現時採取策略,係逐少逐少慢慢吸,等到大市轉牛,有強勢leaders出現,再採取集中策略未遲。 現持有:CHGG, DOCU, NET, TSLA, ETSY, TDOC, ZM, FVRR, PTON, cash 69% watch list: SHOP, SNOW, MAX 2020年回報:+52.76%