美股調整未完 待機補回強股

記得幾個禮拜前，先講咗話年尾回報大概同八、九月差唔多，唔應該太進取。但係後來Fastly 大升，心雄咗忘記預設，近排嚟十零個交易日，基本上蒸發哂今個月所有利潤，返回八月尾水平。 其實明白分散嘅重要性，防守就係最佳嘅進攻！但係萬一又中Fastly ，一日打七折，元氣一定大傷，要追回利潤，一定要花更多嘅時間去執組合，精神時間一定蝕過分散投資。 之但係，現實情況係錢仲未夠，自己功力又比不上Saul、美股軍師等等，所以有時候唔按常理出牌，有時集中一些，希望荷包都進脹得快啲。 這種打法係賭博，尤其係美股。今次冇事，只係好彩！ 講返正題，美股升得耐，到時候自然要還。今次跌市有啲似樣了。提自己多一啲耐性，等啱時機再補返強股進攻過。 持股：DOCU TSLA ZM NET cash: 44% 年回報+55%