美股最近走勢 (2019.08.29)

自己觀察的美國熱門股，只剩 SHOP、AYX最強，他們還能夠破新高。其他的例如 OKTA、TWLO、GH、MELI、ZS等已先後倒下了。看 Saul的八月回報，是 -7% (主力是 AYX、TWLO、OKTA、MDB等等)，話黎個月熱門股弱過藥煲，也不為過。


由於債息越來越低，超穩定悶股是有一定的重估空間，如MCD、WM；帶點增長動力的有ZTS、V、MA、SBUX、SAM、COST；估值堅離地但有夢的BYND也似調整完畢。


九月之後的打法是放棄弱雞大熱門，止賺5G，往穩定增長股入手。


記住不要怕慢，最緊要穩。往後全球政局只會動盪，控制組合波幅為重中之重。

中生製藥(1177)業績唔掂；美熱門股走勢好虧

中生製藥 (1177)
之前技術走勢非常好，可惜業績比自己預期差非常多。要 devalue啦。(11:50am: 似乎睇錯...)


香港走勢
搵個防空洞匿埋先，都唔知有無核彈！阿門！


美股走勢
曾提過熱門股有轉弱跡象，黎個星期此走勢更加明顯。當中基因排序，例如GH更加肉酸！似乎接下來數月是穩定股、穩定增長股做主角。錯誤加注科技股、熱門股會有好大機會身受重傷！

終極焦土

緊急關係法 - 班痴線佬咁既終極焦土策略都諗到，本身香港都瓜左九成，癲到玩黎招，香港前途都真係壽終正寢啦。


換定美元日Yen買定實金做哂國外投資迎香港核爆啦，仲買咩鬼港股呢。


---
「要毀滅一個大城市，不一定是天災，也可以是人禍。人禍不一定是戰爭，幾個人的幾句話，幾個人的愚昧行動，可以令一個大城市徹底死亡。」


「一個大城市的形成，就是有許多人覺得居住在這個地方，對他們的生活、前途都有好處，當這種優點消失之後，成為大城市的條件，就不再存在，這個大城市也就毀滅、死亡。」


「當時，我並不以為意，以為那只是小市鎮才會發生的事情。

但是現在，我已完全可以肯定，一個大城市，即使是在世界經濟上有著重要地位的大城市，一樣可以遭到同樣的命運。

不必摧毀這個大城市的建築物，不必殺害這個大城市中的任何一個居民，甚至在表面上看來，這個大城市和以前完全一樣，但是只要令這個大城市原來的優點消失，就可以令這個大城市毀滅、死亡。

 而這樣做，可以只出自幾個人愚蠢的言語和行動。

 僅僅只是幾個人狂悖無知的決定，就可以令得一個大城市徹底被毀，它可以仍然存在地圖上，但只是一具軀殼，不再是有生命的一座城市。」


倪匡 - 衛斯理 <<追龍>>

石藥 (1093)、碧貴園服務 (6098)、企鵝 (700)

石藥 (1093)
2018年初藥股核爆前，石藥的股值區間多年是徘徊在 35-40 PE。今次中期業績不俗，現價是forward PE 22倍，比起以前的估值，已打了折扣。投資醫藥股，要留意的是政策風險。


碧貴園服務 (6098)
業績與母公司逼員工飲鷄血一樣令人印象深刻。此股無論增長與技術走勢都十分強，從前既高PE，現在已大大降低。純看數字是不錯的投機選擇。


企鵝 (700)
增長慢，估值高，單拖遊戲支撐業績，其他收入還未critical。巴巴走勢尚且普普通通，你還能夠對過氣股王有期望嗎？今年巨型科企是沒有運行。繼續 devalue。

香港繼續 devalue；逆市強勢股

這兩天是增持既時機，購物清單如下：
ZTS, V, SHOP, AYX, SBUX


至於港股，繼續 devalue。中生製藥、潤啤、碧貴園服務逆市強勢。

煤氣(3)、東亞(23)、IT(999)

煤氣(3) - 今次業績堅差，報告內提及的受影響原因也不充分。是否四叔退休了，就功成身退了？有貨應該盡早換馬，無貨可以remove 煤氣 from watchlist。


東亞(23) - 究竟內銀真正既貸款質素有幾差？中國經濟有幾好？天知，黨知，你唔知。睇東亞業績，真要替佢地抹一把汗，中國貸款的無底洞究竟有幾深？要填十年嗎？公司2006-2007年曾風光過一陣子，想不到以後有排還。


IT(999) - 下半年，大家會有好多平衫買。黑暗隧道裡出口在哪？


三間香港知名的公司，三份醜樣既業績。對不起，我對香港還是很悲觀。

熱門股反攻；少注試Twitter (TWTR)

昨夜 SHOP創新高，AYX也近破頂，而之前調整明顯的 TTD、OKTA、GH反攻力度也不錯，雖然主要持倉的中大型股表現呆滯，但熱門股象徵著貪婪既投資者，我會視之為偏好訊號。

一直以來很佩服美股軍師、Saul的打法 - 全倉進攻型的熱門股，這方法許多時是非常難駕馭的。好像SQ、MELI、ESTC，甚至近來既ZS，動不動突然下跌10%以上，好多時候更係毫無消息既情況下發生！自問好怕組合波動過高，所以佢地既超高回報，係抵佢地既。

之前調整組合，多了現金，會新加Twitter做新成員。雖然FB實力遠遠領先，但Twitter近數季業績有明顯改善，近月技術上更有小咖啡杯走勢，值得先入一注試試 (佔組合3%)。

點評阿里巴巴(BABA)、中生製藥 (1177)

阿里巴巴(BABA)
業績很強，雲計算增長也不俗。動態市盈率 26倍，跟企鵝比依然打折。若果你一定要買中國概念，沒理由不買BABA。
雖然基本因素好像不錯，但技術走勢上巴巴不是特別強。由香港基金經理吹雞開始，佢地既買入價大概是$160-$170左右，現在升幅也只不過係5-10%，表現平庸。當中原因，一來之前沽盤力量比預期大，二來在美國市場凡中國出品的都打了折，三來科技巨企不是2019年的投資主題。
比我揀，依然會買MSFT，因為業績更穩，也不受中國概念影響。


中生製藥 (1177)
若果唔係上年年頭阿爺放醫藥股核彈，此股應創歷史新高了。
查實中生中長線都很強，今年升幅更遠拋企鵝、石藥。撇除公用股、REITS、物管及少數內需股，中生可算是消耗性熊市中的奇葩了。
可惜，無論何時何地，阿爺仍會出奇不意掉醫藥公司核彈，也會出奇不意將人民幣貶值，所以實在難以真金白銀支持。

點評部份美國熱門股(2019 AUG)

納指調整幅度約 5.5%；標普500 約 4.5%。


看看一些熱門股的強度：
AYX
近乎沒有調整，貼近新高，很好的技術走勢。
SHOP
調整幅度約 4%，熱門股中算很強了。
MELI
調整幅度約 11%，曾大裂口下跌。由於政治因素，不建議撈底。
TWLO
調整幅度約 18%，技術走勢自六月尾有轉壞跡象，業績公布後技術更弱。絕不建議撈底。
MDB
調整幅度約 27%，六月初見頂，輾轉下跌，圖象比TWLO更核突。可以不理。
OKTA
調整幅度約 10%，整固當中，繼續觀察。
ZS
調整幅度約 10%，整固當中，繼續觀察。
GH
調整幅度約 10%。波動大，中線走勢絕對比NVTA好。喜歡基因排序，要留意此子。
NVTA
調整幅度約 12%。波動大。GH 基本因素同技術走勢都較好。
ZM
調整幅度約 14%，六月初見頂，浮浮沈沈。我對此股有保留。
ESTC
調整幅度約 18%，七月尾見頂後派足咁多日，好核突。可以不理。
TTD
調整幅度約 14%，近半個月波動十分大。繼續觀察。


今浪調整，熱門股反彈力度一般，可能係市場已經轉左投資主題。由於以上公司非常熱門，要小心部份股票已經偷偷轉勢。

港股慘變神枱桔

阿里巴巴公布業績後，騰訊完全比下去。巴巴尚且唔識升，何況斷臂騰訊？基本上騰訊只會繼續devalue，同埋間唔中夾吓淡，已真真正正變成廢股。如果你仲有貨，我建議你賣比黃國英。
指數以往既火車頭，騰訊、中移動、匯豐，全數盡墨；地產股、本地銀行、內銀、資源股長期喪屍化，恆指三至五年內唔會有運行。除非巴巴救港，但短期也不會了。
香港整體是陰乾格局，我稱之為「神枱桔」，係一個真真正正既消耗性熊市。就算你唔買股票，都應該將 MPF撤離香港，保護自己既血汗錢。
雖然港幣有機黑天鵝，但這個假設太極端，機會不高。要夾硬買港股，都係中電領匯港鐵煤氣。佢地係悶，但長坐最少還能夠保值。
中國內需股呢？貴到七彩。55倍PE增長得十零巴仙既維他奶你要唔要哦？我都係買包奶飲好過啦。

再減弱勢股，慎選核心持倉

昨夜美國跌幅是超出預期，擊中組合跌幅警戒線，需要沽出弱勢股，例如Tesla，降低風險。
現在值得留意既係：
- 全球衰退風險再引起關注
- Trump多次無章法的政策正令經濟衰退風險上升
- 中國經濟根本唔掂，內需亦只屬概念
- 美國熱門股長倉過多，盤路傾側
- 市場不缺流動性


策略上要將持股範圍再縮窄，減少買入過熱主題。公司生意最好是穩定，能見度高。高卑打股暫時要靠邊站。

保持核心持倉，減卑打；港股未脫熊市

昨夜因關稅新聞大升，係一個好時機執倉，增強防守力，降低組合波幅。
自己是沽出了高卑打股，例如NVTA、GH、SQ、TWLO、TTD等等；保持核心投資，例如ZTS、V、MSFT、TSLA、SHOP、AYX。
個市係大升，不過唔少領先股升幅係追唔上。為防睇錯，增加現金是必需的。


最後一句：香港未脫消耗性熊市。

減持高卑打股，增現金加強防守

美股有點正在調整的感覺。
策略上全減高卑打股，增持現金，keep住核心投資，待走勢明確後才重新增持。
暫時AYX、SHOP、ZTS 算是跌市較強。

港股的難題

講香港，而家買黎個市場有以下難題：
- 人民幣中線下跌
- 港匯隱藏危機
- 美國不定期驚喜式的政策風險
- 中國不定期驚嚇式的政策風險 (例如藥品降價、壓制手遊等)
- 受歡迎板塊有不同瘕疵：科技 - 只有騰訊，但世界上九成九巨型科技股不是今年的投資主題；燃氣 - 受人民幣匯率影響很大；藥業 - 中國驚嚇式的政策風險；消費 - 估值太貴，而內需市場也不是大眾想像般好；本地地產 - 交易區間不斷下移，沒有希望吧；物管 - 此界別的公司素素麻麻，選擇也少，根本不能配置太多籌碼；鐵塔、5G - 唔好玩啦...
- 剩下的是公用，低利率下應受追捧，但我對商場類Reits有保留，例如823、778。
- 咁地鐵、中電、煤氣呢？咁我覺得港元係有uncertainty...


結論：不用花太多精神於香港市場，這可能是一個消耗性熊市，投資efficiency應該很低。

Zoetis (ZTS) - 冷門穩定增長股

Zoetis，幾年前由輝瑞分拆出黎既中型公司，係牲口藥同寵物藥既龍頭。
牲口藥收入部份，增長比較呆滯；而寵物藥既增長就唔錯，勢頭穩定。
除咗基本因素不俗，此股技術走勢上亦十分好 ，屬於波幅少，緩慢向上既類型。


Zoetis、Visa、Master、Microsoft，都喺可以作核心持股既公司。


既然Zoetis 季績穩健，當然繼續持有。

NVTA, GH 盤後新高

不能沒有基因排序公司既股票。


兩者revenue增長也很強，尤其GH。大勢所趨下，未來數年草原應該夠大比千里馬奔跑。


after market prices: NVTA +18%，GH +23%


繼續持有。

大跌市

宏觀因素轉壞，令投資者信心大跌，琴日既美國，都抵受唔住地心吸力。


香港更加唔使講，內外夾擊，中哂七傷拳，醫返都嘥藥費。


點都好，做人還是保持樂觀，風雨後又是一片晴天....但我指既係美股，香港就唔樂觀啦。

Shopify (SHOP), Square (SQ), SSYS

Shopify 無論業績同上升動力都非常對辨，增長強勁，估值係天比高。回顧往時股王，如企鵝、Amazon等，又何嘗唔係貴到飛起。繼續持有。


Square 業績唔錯，可惜績後插水。公司應該做得大，近來bitcoin與twitter策略也不錯，決定比多d時間佢。持有。


SSYS個成績好難睇，但注碼細。持有。此子暫時唔太sexy。

NVTA 突破

自己有跟美股軍師買咗黎隻股票，不過注碼唔高 (均價$22)。


佢波幅幾大，動不動因為業績刺激，都可以升跌十幾%，唔係咁易揸。


考慮到基因行業前景吸引，公司市值唔大，想賭一賭。


希望生意做得大吧，業績對辨再加碼。